Foto: Martine de Klein
Gedicht

Veurjoar an de Regge

In oertied is de Regge ontstoan

Iej zaagn heur laanks de oevers goan

En an heur zoom een eanden nös

Tusken het reet van tossens grös.

As ne zulver lint gung heur stroom

Laanks de elsen en de wilgenboom

Met elsenknöppe biej de vleet

’t Is lveurjoar aaj det noe ma weet

Een boer den laanks zeen akkers git

Den nerig warkt en mangs ok bid

Zo det zeen koolzoad bloesem bleuit.

Het gelle gewas doar welig greuit

En in oen barmen laanks de weagen

Kom wiej het fluitekruud a teagen

As witte slingers, heur weg weer vind

Is zee veur oons een veurjoarskind.

Het vee det dreagem heur boonte vel

Tusken de botterblomen romig gel

Wat schoapen graast mar wat vedan

Heur lam’ren springt achter moder an.

En boaven al det graazend vee

Doar dukelt de kievten noa benee

in’t open veld har hee zien nös

zeen nös emaakt van pollen grös

Woar’t gelle koolzoad opn akker steet

En boam heur koppel gaanzen geet

Het Twentse laandschop woonder mooi

Iej ligt door in oe veurjoars tooi

Fenny Martens-Berends

Peter Bulthuis
Contentcoördinator DPG Media
Meer berichten

Het lokale nieuws in uw mailbox ontvangen?

Aanmelden