Foto:
Gedicht

Kringloop

Biej kringloop mag ik geerne kiekn

En umslieks koj aaltied wea wat vin

Steule tafels en ok baanksteln

vazen glaswark köpper of tin

Kop en schöttels bödn en leppels

Leu hebt serviesen mar vot edoan

Of het was niet mear in de mode

En ziej vun het niet meer stoan

Zag ok mooie schemerlaampen

En diej leekn nog as niej

Leu die bint arg oaverdoadig

prulage steun doar in de riej.

Zag onmeundig völle spölgood

Wat bint wichter toch verwend

Wiej wan vrogger doar met bliede

Diej oaverdoad is ongekend...

Dan hej het nog al diej klere

Rekken vol en ech kats niej

Kottens is het mar in de mode

Veur miej is er aajt we wat biej.

In de tied van het coronavirus

Ruum alleman heur kassen op

Kringloop mocht wiej toe niet kom

Ziej han toe een inname stop.

Zogangs kom iej umme in de spöln

Biej kringloop ko’j het oalmoal kwiet

Hergebruuk det is milieu vreendelik

En recyclen heurt biej disse tied.      

Fenny Martens Berends

Meer berichten

Het lokale nieuws in uw mailbox ontvangen?

Aanmelden