Foto:

Het dooit

De stoep bint onmeundig glad.

Het begint ja ech te dooin,

De meansen glibbert laanks de stroat

Ok auto’s diej’t veurzichtig goat

Gemeente git gin zolt meer strooin.

De beume diej hebt snotterbeln

Ziej lekt an alle kaant.

Noew kump van alns veur de dag

Oonder den snee det een wekke lag

Ziej noew het zwatte zaand.

In tuun doar steet de snee poppe nog

Den krig een slaank postuur

Heur heufd den is arg klean ewun

En schient temet de waarme zun

Dan smelt ziej met het uur.

En as de zunne nog waarmer wödt

Dan brek de netuur weer lös

De snee klökkies hebt heur beste doan

De krokussen ziej ook a weer stoan

In het prille gruune grös.

Kom veurjoar blief niet kwienen

Wiej bint er wea ech an toe

Loat oe woare gezichte zien’n

Det dut de koalte verdwien’n

Wiej verlaankt toch zo noa oe.

Fenny Martens-Berends

Meer berichten

Het lokale nieuws in uw mailbox ontvangen?

Aanmelden