Coronacrisis


Foto:
Gedicht

Coronacrisis

Noe biej disse corona crisis

En wiej ok nog nit völle magt

Hef gelukkig koningweenter

Oons noe snee en ies ebracht

Mar het gif ok zien beparking

As iej geerne sckaatsen doot

Met de marathons in antocht

Vindt den Rutte det niet good

Ok de elfstedentocht in Frieslaand

Det kan nog gin deurgang vin

Het publiek mag nit kom kiek’n

Wat hef het eagelik dan nog zin

Al oonze vriejheid is verdween

Ok de winkeliers zit in grote nood

Aj noe niks vekoopn magt

Mut iej leam van kossie brood.

Restaurants en ok de kroegen

Bier det wödt niet meer etapt

Noe krig Heineken ok warkelozen

Leu diej de WW noe in stapt

Ok de aovondklok is heenderlik

Veur bezoek van keender, is det rot

Umme een bekeuring te veurkom’n

Mut ziej oavends a vrogge vot.

Wiej meansen wilt ja zölf bedissel

Mar wiej veuld oons net een wicht

De weenter hef de coranaregels ehülp

Deur de sneeuw gooinde alns dicht

Fenny Martens Berends

Meer berichten

Het lokale nieuws in uw mailbox ontvangen?

Aanmelden