Foto:
Gedicht

Jeugd van noe

Ik leazen vanmoan in de kraante

Det de jeugd bassend baldoadig is

Valt moodwillig zo de politie an

Det gif noe een hoop gekissebis.

Ziej venielt van alns tingswoardig

Loat ziej is noa heur kiekn

Det corona kost a zo völle geld

De jeugd git de boele veziekn.

Het corona beleid wilt ziej zik nit hoaln

Ok ziej bint vake al besmet

En umslieks stekt ziej aandern an

Diej mut dan wödden ered.

Meka ok noa het leaven stoan

n’ Moord is tingswoardig zo begoan

En doarnoa volgt een stille tocht

Veur de droovige noabestoan.

Det jonge volk is hemoa op ne biester

Wat mut det in toekoomst wun

Fatsoen mut heur wun biej ebracht

Biej de opvoeding is det a begun.

De straffen bint ook völte kot

Doar he’j heur ech niet met

Ziej mut strabant wun an epakt

En laank in’t gevang wun ezet

Het is droovig det de jeugd zo is

In disse meulike corona tied

Al det geweld biej oons in Twente

Det is toch oonzen volksaard niet?

Fenny Martens Berends

Meer berichten