Foto: Fenny

Hittegolf

Laandschop lig in zunne waarmte

Koein loopt troag doar biej meka

Oonder de beume in de schaa

Likt an liksteen want zee hebt dös.

De löch dee trilt boam het dreugde grös.

Meansen bint an’t zunnebaden

Saam epakt laanks breeje straand

Dichte biej de waterkaant

Wat wichter spölt in’t lösse zaand

Bint noe hemoa kats verbraand.

Veur de bouwvakkers op de steigers

Met heur broen verbraande hoed

Kriegt doardeur zuk kokkend bloed.

Den hittegolf is veur heur verkeerd

Ziej wut zo döstig as ne peerd.

In het zwembadje biej de buurn

Zit de wichter met meka in’t bad

sputtert meka met water nat.

Hebt saam doar noe dikke lol

Hoalt biej disse hette zo we vol

Ok met disse waarme daege

Doot de leu heur barbecue an

Kump van’t gewone etn vake niet van

Doar wödt noe völle vleis ebroaden

Het smaakt heur good biej 32 groaden.

Op de terrasjes an de Groteatroate

Met zeen aln oondern parasol

Doar is het noe bassens vol

Ziej dreenkt nen pilsje of wat fris

Woar het noe dan weer veur is.

Fenny Martens Berends

Meer berichten