Logo twentsvolksblad.nl


Trugge van weg ewes

Aj van vekaansiei trugge komt
Dan he-j wea wat te doene
Alns mut iej dan wear uutpakn

De klere en de schoene.
De wasmechiene wut an ezet
De post diej kiek iej eam noa
En ok de kraant'n kiek iej in
Wiej er uut de tied is egoan!

Het gewone leam det is wear doar
Mar iej loat oew dan nit ken
De stoete hier diej smaakt zo aans
Diej sneedjes doar muj an wen.


En het berre lig noe ok zo aans
Aj s'nachts eam wakker wut
Dan muj good denkn woar bin ik noe!
Umdet de umgeaven zo aanders zut.


In tuun stunt ok het onkruud hoge
Het grös hef mien man gauw doan
En ok de stroekn zaat dikke in't blad
Hee is an't sneuin egoan.


Mar alns is wear biej het oale noe
En de daeg riegt zik wear an één
Det vrieje geveul is noe vot
De röste diej is verdween.


Het leam is toch zo jachtig wear
En wiej gunt oons zölf gin tied
Wiej goat zo in ne sneltreinvaart
Vekaansiej gevuul bink kwiet.

reageer als eerste